عمرانیات » میری دادی اماں

میری دادی اماں

ہفتہ, 9 جولائی 2011, 1:42 | زمرہ: میری سوچ
ٹیگز: , , , ,

ابو نے اپنی گود میں بیٹھی علیزہ سے پوچھا۔۔۔ بیٹا دادی امی کہاں ہیں۔۔۔ علیزہ کی انگلی دیوار پر لگی میری دادی اماں کی تصویر کی طرف اٹھ گئی۔۔۔ پھر علیزہ نے تصویر کی جانب اپنے دونوں بازو پھلا دئیے۔۔۔ ابو اٹھے اور علیزہ کو دیوار تک لے گئے۔۔۔ علیزہ نے اچک کر تصویر دیوار سے اتاری اور اپنے دونوں ہاتھوں میں تھام کر پہلے اپنے سینے سے لگا لیا اور پھر اپنے ہونٹ دادی کی تصویر پر لگا دیئے، ایسے کہ جیسے اسے چوم رہی ہو۔۔۔

میں بغور ابو اور علیزہ کو دیکھ رہا تھا۔۔۔ یہ ان دونوں کا روز کا معمول ہے۔۔۔ ابو روز علیزہ سے دادی اماں کے بارے میں پوچھتے ہیں اور علیزہ ایسے ہی دادی اماں کو چومتی ہے۔۔۔

دادی اماں کو ہم سے بچھڑے تین سال ہو چکے ہیں۔۔۔ کل یہی کچھ دیکھتے ہوئے بہت کچھ یاد آ گیا۔۔۔ سن 2006 میں، میں پاکستان گیا۔۔۔ دادی اماں کی گود میں سر رکھے میں نے مذاقا ان سے ابو کی شکایت کرتے ہوئے کہا، دادی امی، ابو میری شادی کیوں نہیں کروا رہے۔۔۔ اب اتنا انتظار نہیں ہوتا۔۔۔ دادی اماں نے میرے سر پر ہاتھ پھیرتے ہوئے پنجابی میں کہا۔۔۔ ”میں تیرے پیو نال گل کراں گی۔۔۔”یہ سننا تھا اور میں نے ابو کو فون ملا کر دادی اماں کو پکڑا دیا۔۔۔ دادی اماں ابو سے کہنے لگی۔۔۔ ”وے اقبال۔۔۔ عمران بڑا پریشان پھردا ہے۔۔۔ گل کی اے؟”۔۔۔ ابو نے لاعلمی کا اظہار کیا۔۔۔ تو دادی نے انہیں مصنوعی غصے سے کہا۔۔ ” میں تینوں کہندی پئی آں، میرے منڈے دا ویا جلدی کر دے۔۔ “ میں ہنس ہنس کر لوٹ پوٹ ہو رہا تھا۔۔۔ ابو نے انہیں جانے کیا کیا کہانیاں سنائیں۔۔۔ لیکن دادی اماں بٖضد تھیں کہ میرے منڈے دی جلد شادی ہونی چائیدی اے۔۔۔

دادی اماں کی وفات سے ایک ہفتہ پہلے، میں نے ان کی صحت کا پوچھنے کے لیے انہیں پاکستان فون کیا۔۔۔ تو طبیعت کافی خراب تھی۔۔۔ کہنے لگیں۔۔۔”پتر۔۔۔ ہون لگدا اے کہ بلاوا آن والا اے۔۔۔ “۔ میں نے کہا کہ ”دادی امی۔۔۔ اللہ آپ کو صحت دے۔۔۔ ابھی تو آپ نے ہمارے بچوں کے ساتھ بھی کھیلنا ہے۔۔۔ “

میرے چھوٹے بھائی کا یہیں دبئی میں رشتہ طے ہوا۔۔۔ ابو نے پاکستان دادی امی کو فون کیا۔۔۔ اور تقریبا ایک گھنٹہ بات ہوئی۔۔۔ دادی اماں نے بھائی کے ساس سسر سے بھی بات کی۔۔۔ سب کو خوب دعائیں دیں۔۔۔

اگلے دن۔۔۔ شام کو چاچو کو فون آیا۔۔۔ کہ دادی امی اللہ کو پیاری ہو گئی ہیں۔۔۔ انہوں نے بتایا کہ صبح سے دادی اماں بہت خوش تھیں۔۔۔ سب رشتے داروں کو خود فون کر کے بتایا کہ میرے چھوٹے منڈے دا وی رشتہ ہو گیا۔۔۔ میں اپنے سارے بچے پگتا لئے۔۔۔ شام کو اچانک طبیعت خراب ہوئی۔۔۔ ہسپتال لے کر جاتے ہوئے رستے میں ہی ان کا انتقال ہو گیا۔۔۔

میری منگنی میری دادی نے خود کروائی تھی۔۔۔ اور میری جانب سے میری منگیتر کو انگوٹھی بھی خود انہوں نے پہنائی تھی۔۔ان کے انتقال کے ایک سال بعد میری شادی ہوئی۔۔۔۔ میرے ابو بہت اداس تھے۔۔۔خوشی کے اس موقع پر دادی ہمارے ساتھ نہیں تھیں۔۔۔

دادی کے ساتھ ابو کا پیار بہت ہی زیادہ تھا۔۔۔ دادی کا ہر حکم مانتے تھے۔۔۔ اور ہر حکم کی تعمیل کے بعد بہت خوش ہوتے تھے۔۔۔ ہمیں جب بھی بات ابو سے منوانی ہوتی تھی۔۔۔ تو دادی اماں سے کہلواتے تھے۔۔۔ اور ابو ان کا حکم ٹال ہی نہیں سکتے تھے۔۔۔

آخری عمر میں دادی اماں کی نظر کافی کمزور ہو گئی تھی۔۔۔ ایک دفعہ میں ان کے ساتھ بیٹھا ہوا تھا۔۔۔ تو اچانک کہنے لگیں۔۔۔ “پتر تو سگریٹ پینا ایں۔۔۔” میں نے گھبرا کر جھوٹ بول دیا کہ نہیں دادی اماں۔۔۔ میں نے تو کبھی سگریٹ کو ہاتھ بھی نہیں لگایا۔۔۔ ”پتر چوٗھٹ نا بول۔۔۔ تیرے دند پیلے ہوندے جا رے نے۔۔۔”

دادی اماں کے ساتھ میرا بہت کم وقت گزرا۔۔۔ لیکن۔۔۔ ان کا پیار ہمارے لیے بے بہا تھا۔۔۔ میرے ساتھ ان کا بہت مذاق تھا۔۔۔ ہر وقت ان کے ساتھ اٹھکیلیاں کرتا رہتا۔۔۔ اور دادی اماں خوشی خوشی اپنے ہمسایوں کو میرے کارنامے بتاتی۔۔۔ ‘اج میرے منڈے نے مینوں اے کیا۔۔۔ اج میرا منڈا اے کردا پیا سی۔۔۔’

کل علیزہ دادی اماں کی تصویر چوم رہی تھی۔۔۔ اور میں یادوں میں گھرا ہوا تھا۔۔۔ میرے منہ سے نکلا۔۔۔ کاش آج دادی امی زندہ ہوتی تو وہ کتنی خوش ہوتیں۔۔۔

اللہ دادی اماں کو جنت الفردوس میں جگہ عطا فرمائے۔۔۔ آمین



16 تبصرے برائے “میری دادی اماں”

  1. 1Javed Gondal Pakcom جاوید گوندل

    اللہ تعالٰی اپ کی دادی اماں کو جنت الفردوس میں جگہ عطا فرمائیں۔

    عمران بھائی! یہ سب دادی اماں اسقدر پیار کرنے والی ہستیاں کیوں ہوتی ہیں۔؟

  2. 2فکرپاکستان

    اللہ دادی اماں کو جنت الفردوس میں اعلیٰ سے اعلیٰ مقام عطا فرمائیں آمین۔ عمران بھائی ایسی تحریریں مت لکھا کرو یار دل دھل جاتا ہے۔

  3. 3یاسرخوامخواہ جاپانی

    اللہ آپ کی دادی ماں کو جنت الفردوس میں جگہ عطا فرمائے۔آمین
    یہ نانیاں دادیاں ایسی ہی پیاری ہوتی ہیں

  4. 4عین لام میم

    اللہ تعالیٰ آپکی دادی محترمہ کی مغفرت فرمائیں۔ آمین
    وہ کہتے ہیں نا کہ اصل سے سود بھلا ہوتا ہے۔۔۔ اسلئے تمام دادیوں، نانیوں کو پوتے پوتیاں، نواسے نواسیاں بہت پیارے ہوتے ہیں اور ان کے لاڈ پیار وہ خوب اٹھاتی ہیں۔ اللہ تعالیٰ میری دادی جان کو صحت اور لمبی زندگی عطا فرمائے، ان کے ہونے سے ہی گھر میں ایک عجیب سی تکمیل کا احساس ہونے لگتا ہے۔ الحمدللہ

  5. 5وقاراعظم

    اللہ آپ کی دادی اماں کو جنت الفردوس میں جگہ عطافرمائے، آمین۔۔۔
    کس قدر پیار کرنے والی ہوتی ہیں یہ نانیاں، دادیاں۔۔۔

  6. 6افتخار اجمل بھوپال

    aاللہ سُبحانُہُ و تعالٰی مرحومہ کو جنت ميں اعلٰی مقام عطا فرمائے
    ميری دادی جب فوت ہوئيں تو ميں11 سال کا تھا ۔ ميں بھائيوں ميں سب سے بڑا اور 2 بہنوں سے چھوٹا ہوں ۔ ميری والدہ جب فوت ہوئيں تو ميرا بڑا بيٹا 9 سال کا تھا

  7. 7امی

    EMRAAN BETA EK KHAWAHISH APNI MA KI BHI PURI KERO APNI DADI MA K BARY MEIN TO LIKH DIA PNI BETI KI DADI AMMI K BARY MEIN BHI KUCH LIKHO MERI POTI NE BHI APNI DADI KO PADAISH K AGLY DIN HI PAHCHANA SHORO KR DIYA THA

  8. 8درویش خُراسانی

    اللہ تعالیٰ دادی اماں کی مغفرت کرئے۔بہت ہی پیار والی ہوتی ہیں یہ دادیاں ،نانیاں ، میری نانی کو جب بھی میرے آنے کا پتہ چلتا تو فورا ہی دیسی گھی فریج سے نکال کر دیتی اور کہتی کہ یہ صرف تیرے لئے ہے۔
    اللہ سارے مسلمانوں کو بخش دے۔

  9. 9حجاب

    اللہ آپ کی دادی اماں کو جنت نصیب کرے آمین ۔۔۔

  10. 10محمد سعید پالن پوری

    میں یادوں میں گھرا ہوا تھا۔۔۔ میرے منہ سے نکلا۔۔۔ کاش آج دادی امی زندہ ہوتی تو وہ کتنی خوش ہوتیں۔۔۔

    ادھر آپ ایسا سوچ رہے ہیں اور ادھر جوار رحمت میں آجانے کے بعد دادی امی یہ سوچتی ہونگی کہ میں یہاں کتنے مزے میں ہوں جبکہ میرے بیٹے اور پوتے ادھر دبئی کی گرمی میں ڈوب بھرتے رہتے ہیں کاش وہ بھی جلدی سے میرے پاس آجائیں اور یہاں اللہ کی رحمت کے خزانے لوٹیں

  11. 11فکرپاکستان

    عمران بھائی اب آپ پر لازم ہے کے آپ علیزہ کی دادی کی شان مٰیں لازمی ایک تحریر لکھیں کہ یہ ایک ماں کی خواہش ہے۔

  12. 12شاہدہ اکرم

    اللہ تعالٰی آپ کی دادی اماں کو جنت الفردوس میں جگہ عطا فرمائیں،،،،آمین
    اور عِمران واقعی اب آپ اپنی امّی کے مُتعلِق بھی لِکھیں ہمیں تو اچھا لگے گا ہی آپ کی امّی کو بھی یقینی بہُت اچھا لگے گا یعنی علیزہ کی دادی امّی کو،،،

  13. 13عمران اقبال

    :biggrin: :biggrin: :biggrin:
    سب دوستوں کی دعاووں اور تحریر کی پسندیدگی کا بہت شکریہ…
    میں اپنی نانی اماں سے تو نہیں ملا… میرے بچپن میں ہی ان کا انتقال ہو گیا تھا… لیکن دادی امی کے پیار اور محبت کی تو کیا ہی باتیں تھیں…جب بھی ان کے پاس جاتا تھا تو امرود کی چاٹ خصوصی طور پر میرے لیے بناتی تھیں… “میرے منڈے نوں میرے ہتھ دی چاٹ پسند اے”…
    ابو کے لیپ ٹاپ پر میرا بلاگ کھلا ہوا تھا اور ابو میری تحریر پڑھ کر کچھ اداس ہو گئے… میری امی نے تبصرہ میری چھوٹی بہن سے لکھوایا… اور پھر مجھے خود بھی کہا… کہ میری علیزہ کی دادی کے بارے میں بھی لکھو… :biggrin:
    اللہ ہم سب کے والدین کو اچھی صحت عطا فرمائے… اور ہم سے بچھڑنے کے بعد ان کے لیے آسانیاں پیدا فرمائے… آمین…

    @ سعد پالن پوری بھائی… آپ تو چھا ہی گئے… واقعی دبئی کی گرمی کا جنت الفردوس کے نظاروں سے کیا مقابلہ… اللہ ہمیں اس قابل بنائے کہ ہم نیک اعمال کر سکیں… اور ہم سب کے لیے قبر میں آسانیاں پیدا کرے.. اور ہم سب کو جنت الفردوس میں جگہ عطا فرمائے… آمین…

  14. 14بلاامتیاز

    میں نے اپنے دادا داسی تو دیکھے ہی نہیں۔ نانی بہت چھوٹا تھا تو انتقال کر گئیں تھیں نانا چھ سال پہلے فوت ہوئے چچا تایا بحی کوئی نہیں صرف ایک پھوپھی کی ڈھیر ساری شفقت ملی۔
    امی جی کا تبصرہ دیکھ کر دل کی عجب ہی کیفیت ہوئی۔
    سوچ رہا ہوں کہ اب عمران کچھ اور کیسے لکھے گا اور امی جی کے بارے میں لکھتے تو ایک بلاگ (پوسٹ نہیں یہ پورا بلاگ) کم پڑ جائے گا تمھیں

  15. 15عمران اقبال

    امتیاز بھائی۔۔۔ واقعی درست کہا آپ نے۔۔۔ اپنی والدہ کے بارے میں لکھنے کے لیے تو میرے پاس الفاظ بھی نہیں ہیں۔۔۔ ہر ماں کی طرح میری ماں بھی عظیم ہستی ہیں۔۔۔

ٹریک بیکس

  1. 1. Javed Gondal Pakcom جاوید گوندل
  2. 2. فکرپاکستان
  3. 3. یاسرخوامخواہ جاپانی
  4. 4. عین لام میم
  5. 5. وقاراعظم
  6. 6. افتخار اجمل بھوپال
  7. 7. امی
  8. 8. درویش خُراسانی
  9. 9. حجاب
  10. 10. محمد سعید پالن پوری
  11. 11. فکرپاکستان
  12. 12. شاہدہ اکرم
  13. 13. عمران اقبال
  14. 14. بلاامتیاز
  15. 15. عمران اقبال
  16. 16. میری دادی اماں | Tea Break

تبصرہ کیجیے

 
error: خدا کا خوف کھاو بھائی، کیا کرنا ہے کاپی کر کے۔۔۔