عمرانیات » چھوٹا شیطان، بڑا شیطان

چھوٹا شیطان، بڑا شیطان

جمعہ, 12 اگست 2011, 2:39 | زمرہ: عشق الہی
ٹیگز: , , , ,

رمضان آ گیا۔۔۔ شیطان قید کر دیا گیا۔۔۔ چھوٹے شیطان اب بھی دھرتی پر دندناتے پھر رہے ہیں۔۔۔ شیطان چھوٹا ہو یا بڑا، شیطان تو شیطان ہوتا ہے۔۔۔

معاف کیجیے گا۔۔۔ پاکستانی حکمرانوں کی بات نہیں کر رہا۔۔۔ بلکہ عام عوام کی بات کر رہا ہوں۔۔۔ اور عام عوام میں بھی میرا مقصد صرف پاکستانی ہی نہیں۔۔۔ دنیا جہاں کے مسلمان ہیں۔۔۔ مسلمان کم اور شیطان کے پرستار زیادہ ہو گئے۔۔۔ اللہ سے محبت کے دعویٰ لیکن اللہ کی ماننی نہیں۔۔۔ شیطان سے بھرپور دبانگ سے پناہ مانگنا لیکن کھلے عام اس کی پیروی بھی کرنا۔۔۔ تو ہوئے نا چھوٹے شیطان۔۔۔

کچھ دن پہلے سوچ رہا تھا کہ جب شیطان قید کر دیا گیا ہے تو کم از کم رمضان میں ہی وسوسے کیوں نہیں جان چھوڑتے۔۔۔ ایک حضرت سے ہنستے ہنستے یہ سوال کر دیا۔۔۔ حضرت کوئی قابلِ تسلی جواب تو نا دے سکے۔۔۔ سارا الزام چھوٹے شیطان پر ڈال دیا۔۔۔

اب سوچ میں اضافہ یہ ہوا۔۔۔ کہ چھوٹے شیطان کو قید کیوں نہیں کیا گیا۔۔۔ کیا رمضان میں بھی ہمارا امتحان مقصود تھا۔۔۔ کیوں جی۔۔۔ رمضان میں تو ہم ویسے ہی ایک با برکت امتحان سے گزر رہے ہیں۔۔۔ تو آخر یہ منحوس امتحان ہمارے سروں پر ڈالنا ضروری تھا۔۔۔؟

شیطان تو ہماری روح پرایسا قبضہ کر کے بیٹھا ہے جیسے خون ہمارے جسم میں مستقل آوارہ گردی کر رہا ہے۔۔۔ جان ہی نہیں بخشتا۔۔۔ اب یہ فیصلہ کرنا مشکل ہو چکا ہے۔۔۔ کہ برے کام، گناہ اور جرائم ہم سے شیطان کروا رہا ہے۔۔۔ یا ہم بذاتِ خود شیطان بنے یہ کام کر رہےہیں۔۔۔ شیطان کو الزام دینا تو بڑا آسان ہے۔۔۔ لیکن خود کا محاسبہ کیسے کریں۔۔۔ آخر ہمارا نفس جو مہا شیطان ہے، وہ اپنی غلطیاں ماننے سےبھی تو انکاری ہے۔۔۔ اور ماننا تو دور کی بات۔۔۔ غلطیاں پہچاننا اور سمجھنا بھی نا ممکن ہو گیا ہے۔۔۔

فیصلہ یہ کرنا ہے کہ ہم شیطان کے زیرِ اثر ہیں یا شیطان ہمارے زیرِ اثر آ چکا ہے۔۔۔ اگر دوسری بات سچی ہے تو مبارک ہو جی۔۔۔ ہم ابلیس سے بڑے ابلیس بن چکے۔۔۔ اور ابلیس اپنے چیلوں سے نہیں، ہم جیسے انسانوں سے مشورے کرنا اپنے لیے باعث فخر سمجھ رہا ہوگا۔۔۔ مبارک ہو جی۔۔۔ ہم شیطان سے جیت چکے۔۔۔۔



8 تبصرے برائے “چھوٹا شیطان، بڑا شیطان”

  1. 1یاسر خوامخواہ جاپانی

    دراصل گیارہ ماہ کا یارانہ ہوتا ہے ۔
    کہنہ سالی نے عادات پختہ کر دی ہیں۔
    بڑے شیطان کی کمی یہ پختہ عادات ایک ماہ محسوس نہیں ہونے دیتیں۔۔۔۔۔ہیں جی

  2. 2عمران اقبال

    بلکل درست فرمایا جناب… کہ ہم میں بری عادت اس حد تک پختہ ہو چکی ہیں کہ اب ان سے پیچھا چھڑوانا بہت مشکل لگ رہا ہے… اللہ ہماری مدد فرمائے… آمین…

  3. 3بلاامتیاز

    ایک انگریزی کہاوت ٹاءپ کوئی چیز ہے کہ
    you cannot create a situation , u can just exploit a situation
    تو انسان میں عقل بھی اور خواہش بھی .
    اور خواہش ایک بے لگام گھوڑا ہے اس کو جتنی ڈھیل دی جائے اتنا ہی ہاتھ سے نکلتا جاتا ہے.
    شیطان انسان کے خواہش کو گھوڑے کو پیٹھ پر ایک تپکی دیتا ہے اور خواہش ایڑی چوٹی کا زور لگا کر بھاگنا شروع کر دیتی ہے کہ انسان کے بس سے ہی باہر ہو جاتی ہے.اور بہتر اور کم بہتر خواہشات کا تعین نہیں کر پاتے ہم پھر
    خود کو شیطان سے قیاس کرنا درست نہیں.
    خواہش بھی اللہ کی دی ہوئی نعمت ہے انسان کی فطرت میں ہے ، بس اس کا صحیح استعمال ضروری ہے.
    ہماری خواہشات جب بڑھ جائیں تو چاہے شیطان رہے نہ رہے وہ خؤاہشات تو ہمارے دل میں موجود رہتی ہیں.اور ان کے زیر اثر ہمارا عمل ہو ہی جاتا ہے.

  4. 4عمران اقبال

    امتیاز بھائی… آپ کے تبصرے کے بعد تو کچھ بھی کہنا مشکل ہے… ساری تحریر کا مغز ہی لکھ دیا آپ نا… اللہ آپ کو جزا عطا فرمائے… آمین…

  5. 5حجاب

    شیطان ہوم ورک دے کے جاتا ہے اس لی$ے سب دل لگا کے ہوم ورک کرتے ہیں کہ بعد میں سزا نہ ملے ۔۔

  6. 6عمران اقبال

    حجاب… بلکل ہم کم از کم شیطان کا دیا ہوا ہوم ورک ضرور دل لگا کر کرتے ہیں… چھوٹے شیطان جو ٹھرے… 😆

  7. 7پاک گلیکسی

    ہم لوگ نا جانے کیوں انجانے میں خود کو شیطان کا چیلا کہلوا کر خوش ہوتے ہیں۔ کچھ حیا نوں ہتھ مارو یار

ٹریک بیکس

  1. 1. یاسر خوامخواہ جاپانی
  2. 2. عمران اقبال
  3. 3. بلاامتیاز
  4. 4. عمران اقبال
  5. 5. چھوٹا شیطان، بڑا شیطان | Tea Break
  6. 6. حجاب
  7. 7. عمران اقبال
  8. 8. پاک گلیکسی

تبصرہ کیجیے

 
error: خدا کا خوف کھاو بھائی، کیا کرنا ہے کاپی کر کے۔۔۔