عمرانیات » خاوند اور بیوی کے مشترکہ حقوق:

خاوند اور بیوی کے مشترکہ حقوق:

منگل, 26 اپریل 2011, 23:33 | زمرہ: عشق الہی
ٹیگز:

پہلی قسط: بیویوں کے شرعی فرائض دوسری قسط: شوہر کے شرعی فرائض

ہر مسلمان اس بات کا معترف ہے کہ خاوند کے بیوی اور بیوی کے خاوند پر کچھ حقوق ہیں، قرآن میں ارشاد باری تعالیٰ ہے: 

”اور عورتوں کا حق (مردوں پر) ویسا ہی ہے کہ جیسے دستور کے مطابق (مردوں کا حق) عورتوں پر ہے، البتہ مردوں کو عورتوں پر فضیلت ہے۔” (سورۃ البقرۃ، آیت 228)

اس آیت کریمہ نے خاوند، بیوی دونوں کے ایک دوسرے پر کچھ حقوق و آداب ثابت کیے ہیں، جبکہ خصوصی اعتبار کی بنیاد پر مردوں کو عورتوں پر ایک درجہ کی خصوصیت حاصل ہے۔

رسول ﷺ نے حجہ الوداع کے موقعہ پر فرمایا:
”سنو! تمہارے لیے تمہاری بیویوں پر حقوق ہیں اور تمہاری عورتوں کے تم پر حقوق ہیں۔” (سنن ابی داود، سنن النسائی، سنن ابن ماجہ، صححہ الترمذی)

ان میں بعض حقوق تو دونون کے لیے مشترکہ اور برابر ہیں جبکہ بعض حقوق ہر ایک کے لیے علیحدہ علیحدہ ہیں، چنانچہ مشترکہ حقوق درج زیل ہیں:

1) امانت: دونوں ایک دوسرے کے امین ہوتے ہیں، کوئی دوسرے کی خیانت نا کرے۔ معمولی چیز ہو یا زیادہ۔  خاوند، بیوی دو شریک ساتھیوں کی طرح ہوتے ہیں، ان میں امانت، خیرخواہی، سچائی اور اخلاص کا پایا جانا زندگی کے ہر موڑ پر ضروری ہے۔

2) محبت اور رحم کا جذبہ: دونوں میں اتنا ہونا چاہیے کہ دکھ سکھ میں ساری زندگی ایک دوسرے کے کام آئیں اور خالص محبت و شفقت کا اظہار کرتے رہیں تاکہ اس ارشاد حق تعالیٰ کا مصداق بنیں:

“ اور اللہ کی نشانیوں میں سے ہے کہ اس نے تمہارے لیے بیویاں پیدا کر دیں، تا کہ تم ان کی طرف (مائل ہو کر) سکون حاصل کرو، اس لیے تمہارے درمیان محبت و شفقت پیدا کر دی”۔ (سورۃ الروم، آیت 21)

اور رسول اللہ ﷺ کے اس فرمان کی بھی تعمیل ہو جائے: “جو رحم نہیں کرتا، اس پر رحم نہیں کیا جاتا”۔ (صحیح مسلم، صحیح بخاری)

3) باہمی اعتماد: دونوں میں اس انداز کا باہمی اعتماد ہونا ضروری ہے کہ ایک دوسرے پر کلی بھروسہ کریں، خیرخواہی، سچائی اور اخلاص میں ایک دوسرے پر شک نہ کریں۔

زوجیت کے رابطہ نے اخوت ایمانی کے ربط کو مزید بڑھا دیا ہے۔۔۔ اس میں پختگی اور اعتماد پیدا کیا ہے۔ اسی وجہ سے خاوند اور بیوی دونوں خود کو ایک ہی ذات سمجھتے ہیں۔۔۔ پھر کیسے ہو سکتا ہے کہ انسان اپنی ذات پر اعتماد نہ کرے اور اس کے لیے خیر خواہی کے جذبات نا رکھے؟ اپنے آپ سے خیانت کون کرتا ہے اور خود سے دھوکہ کون کر سکتا ہے۔۔۔؟

4) حقوق عامہ: معاملات میں نرمی، چہرے کی شگفتگی بات میں ادب و احترام اور یہی وہ اچھی معاشرت ہے جس کا اللہ نے حکم دیا ہے:

“اور عورتوں سے معروف طریقے کے ساتھ نباہ کرو”۔ (سورۃ النساء، آیت 19)

اور رسول اللہﷺ نے فرمایا: “اور عورتوں کے لیے اچھی وصیت قبول کرو۔” (صحیح مسلم)

نیز ارشاد عالی ہے: “اور آپس میں بھلائی کرنے کو فراموش نہ کرنا، اللہ تمہارے سب کاموں کو دیکھ رہا ہے” (سورۃ البقرۃ، آیت 237)




6 تبصرے برائے “خاوند اور بیوی کے مشترکہ حقوق:”

  1. 1جاوید گوندل ۔ بآرسیلونا ، اسپین

    جزاک اللہ۔ اللہ آپ کو جزائے خیر دے۔ آمین

  2. 2خرم ابن شبیر

    جزاک اللہ ماشاءاللہ
    ایک تو آپ نے یہ کام بہت اچھا کیا کہ پُرانے بلاگ پر بھی لنک دیا تاکہ یہاں بھی آ سکے۔

    اور آپ نے خاوند اور بیوی دونہ کے مشترکہ حقوق لکھ کر بھی بہت اچھا کیا اللہ تعالیٰ ہمیں اس پر عمل کرنے کی توفیق عطا فرمائے آمین

  3. 3جہالستان سے جاہل اور سنکی ۔

    سنا ہے کے احسن ازدواجی تعلقات کا ڈیٹیلڈ نالج غیر محرم خواتین سے غیر ازدواجی تعلقات رکھنے میں پرابلمز کریئیٹ کر دیا کرتا ہے جی ۔

  4. 4جہالستان سے جاہل اور سنکی ۔

    ایسے ہی پرابلمز خواتین کو بھی پیش آتے ہیں جب انہیں غیر محرم حضرات سے غیر ازدواجی تعلقات رکھنے پڑ جاتے ہیں ۔
    ہماری طرف سے نئے بلاگ پر منتقلی کی مبارکباد قبول بھی کریں جی ۔

  5. 5عمران اقبال

    جاوید بھائی اور خرم بھائی۔۔۔ آپکے تبصروں اور دعاووں کا بہت شکریہ۔۔۔

    جاہل صاحب۔۔۔ آپ کے تبصروں کا شکریہ۔۔۔ جب انسان مذہبی علم کو عملی شکل دینے کی “کوشش” ہی کرتا ہے تو قدرتی طور پر “بے حیائی، بے شرمی اور کسی بھی برے کام” سے پرہیز اور نفرت کرنا شروع کر دیتا ہے۔۔۔ یہ تبدیلی اللہ کی جانب سے اس کے دل میں پیدا ہوتی ہے۔۔۔

  6. 6aroosa

    looks like you have done quite a research on this subject

تبصرہ کیجیے

 
error: خدا کا خوف کھاو بھائی، کیا کرنا ہے کاپی کر کے۔۔۔