عمرانیات » بلاگنگ کا ایک سال

بلاگنگ کا ایک سال

منگل, 23 اگست 2011, 3:36 | زمرہ: اردو بلاگستان
ٹیگز: ,

لکھنا شوق ہے۔۔۔ لیکن لکھنا آتا ہی نہیں تھا۔۔۔ اب بھی نہیں آتا۔۔۔ بس کوشش کرتا ہوں کہ اپنے الفاظ احباب تک پہنچا سکوں۔۔۔ بڑی مشکل سے پہلی تحریر لکھی۔۔۔ پھر دوسری اور پھر تیسری۔۔۔ اور آج اپنے بلاگ کے پورے ایک سال ہونے پر اپنی ترانویں تحریر لکھ رہا ہوں۔۔۔

سال ہوگیا بلاگنگ کرتے۔۔۔ پہلا تبصرہ “افتخار اجمل صاحب” کا تھا۔۔۔ جس نے مجھے مزید لکھنے کی رغبت دلائی اور ہمت افزائی کی۔۔۔ پھر کارواں بنتا رہا۔۔۔ اور آج بلاگرز کے جمِ غفیر میں مجھ ناچیز کو کوئی ایک لکھاری کی حیثیت سے جانا جاتا ہے۔۔۔

کیا کیا نا لکھا۔۔۔ مذہب پر اپنے جنون کا احوال، پاکستان کے بارے میں کچھ تجزیے، بلاگستان کے ماحول پر “پرمغز” تحاریر، کچھ اپنی ذاتی تجربات۔۔۔ اور کچھ فضول بندوں پر تنقید۔۔۔ کیا کیا نا لکھا۔۔۔!!!

اب ایسا لگ رہا ہے کہ لکھتے لکھتے الفاظ ہی ختم ہو گئے۔۔۔ کیا لکھوں، کیوں لکھوں، کس کے لیے لکھوں۔۔۔ کیا میرے الفاظ کی کچھ اہمیت ہے۔۔۔ کیا میرے الفاظ کسی کی سوچ بدل پائے ہیں۔۔۔ کیا میری تحاریر کسی ایک شخص کے لیے ہی معاون ہو پائی ہیں۔۔۔؟ اتنے سوال۔۔۔ اور حسب معمول، میرا کورا دماغ۔۔۔

بلاگنگ کا مقصد کیا ہے۔۔۔؟ کیا میں اپنی ذاتی سوچ اور تجربات کو قارئین کے ساتھ بانٹ سکتا ہوں۔۔۔ کیا میں اپنے مصائب دنیا کے سامنے لا سکتا ہوں۔۔۔ اور کیا دنیا میرے مصائب پر توجہ دے سکتی ہے۔۔۔؟ کیا مجھے میری مشکلات کے حل میرے مبصرین دے سکتے ہیں۔۔۔ ؟ پھر وہی بات۔۔۔ بلاگنگ کا صحیح مقصد میں سمجھ ہی نہیں پا رہا۔۔۔

کیوں لکھتا ہوں جب لکھتے ہوئے بھی سوچنا پڑتا ہے کہ زندگی کا فلاں پہلو، میری سوچ اور میرے نظریات دنیا کے سامنے لانے والے نہیں۔۔۔ خود تک چھپا کر رکھنا بہتر ہے۔۔۔ تو کیا فائدہ میرے لکھنے کا۔۔۔ جب کسی سے زبانی کہہ نہیں سکتا، اپنا آپ کسی سے بانٹ نہیں سکتا تو پھر لکھنے میں بھی “پراکسی” کیوں لگانی پڑ رہی ہے۔۔۔ کیوں میں کسی بھی طریقے سے خود کو دنیا کے سامنے نہیں رکھ پا رہا۔۔۔ کیوں لکھتے لکھتے، میرے الفاظ میرا ساتھ چھوڑ دیتے ہیں ۔۔۔۔

میں واقعی بلاگنگ کی صحیح روح کو سمجھ ہی نہیں پا رہا۔۔۔

ہاں بلاگنگ کا فائدہ کسی حد تک یہ ہوا کہ مجھے کچھ ایسے احباب مل گئے، جن سے دوستی کرنا ہی میرے لیے باعث فخر ہے۔۔۔ میرا دل چاہتا کہ کاش میں ان حضرات سے ملوں اور ان سے بہت کچھ سیکھوں۔۔۔ ان سے باتیں کروں اور ان کی باتیں سنوں اور سیکھتا رہوں۔۔۔

باتیں تو ایویں کی چلتی ہی رہتی ہیں۔۔۔ میں باتوں باتوں میں اپنے بلاگ کو سالگرہ مبارک کہنا نا بھول جاوں۔۔۔ تو اے میرے پیارے بلاگ، تو جیے ہزاروں سال۔۔۔ شیر لگا ایں سوہنیا۔۔۔

دل چاہ رہا ہے کہ اپنے بلاگ کے بارے میں کچھ اعدادوشمار آپ سے شئیر کروں۔۔۔ تو دل چاہے تو پڑھ لیں۔۔۔ نا چاہے تو نظر انداذ کر یں۔۔۔

22اگست 2010 سے 22 اگست 2011 تک:

کل تحاریر        :    93

کل تبصرے    :    770

بلاگ پڑھا گیا    :    تقریبا 13،000 مرتبہ

 



19 تبصرے برائے “بلاگنگ کا ایک سال”

  1. 1شعیب صفدر

    سالگرہ مبارک ہو!! اور مزید لکحتے رہو!

  2. 2سعید

    سال گرہ مبارک بھائی!
    بلاگنگ کی روح ابھی واضح نہیں ہوئی ہے اس لئے بغیر سمجھے لکتے رہیں۔۔۔۔۔۔۔ میں تو سمجھتا ہوں کہ بلاگنگ کے دو فائدہ ہیں ایک ارد گرد کی وہ باتیں جن کو ایک عام آدمی نظر انداز کر دیتا ہے بلاگر نہ صرف ان کو پکڑتا ہے بلکہ ان سے نتیجے بھی نکالنے لگتا ہے۔۔۔ دوسرے یہ کہ تحریر و انشاء کے بے شمار اسلوب ہیں جنکی تعلیمی زمانہ میں مشق نہیں ہوپاتی لیکن بلاگ پر یہ ساریں مشقیں کی جاسکتی ہیں۔ کل ملا کے بلاگ لوح طفل ہے جس پر وہ جو من مین آتا ہے لکھتا جاتا ہے

  3. 3مطلوب

    السلام اعلیکم
    بلاگنگ کی سالگرہ مبارک ہو.

  4. 4سعد

    مبارک ہو جناب۔ لکھتے رہیے لکھنے سے دل کا بوجھ ہلکا ہوتا ہے۔

  5. 5محمد سلیم

    سالگرہ مبارک ہو، لکھتے رہیئے، آپ نا صرف اچھا بلکہ بہت ہی اچھا لکھ رہے ہیں۔
    میرا پیغام محبت ہے جہاں تک پہنچے کا اصول اپنائیے اور محبت کے اس پیغام کو عام کرتے رہیئے۔
    اور وہ تحریر تو آپ نے بھی بڑے فخر سے اپنے بلاگ پر لگائی تھی کہ ہمارے الفاظ آئندہ نسلوں کیلئے امانت ہیں۔ بس اس راہنما اصول کو یاد رکھنا ہوگا۔

  6. 6یاسر خوامخواہ جاپانی

    سالگرہ مبارک ہو۔
    لکھتے رہا کریں ۔
    آپ کا شمار اچھے تے سچے لکھاریوں میں ہوتا ہے۔

  7. 7نورمحمد

    مبروک محترم . . . اللہ کرے زور قلم اور ژیادہ . . .

  8. 8ڈاکٹر جواد احمد خان

    بلاگ کی سالگرہ بہت بہت مبارک ہو اور دعا ہے کہ ایسے بیشمار دن آئیں.

  9. 9بلاامتیاز

    سالگرہ مبارک .
    اب بلاگ کی سالگرہ بھی اپنی شادی کی سالگرہ کی طرح باقاعدگی سے مناتے رہیے گا

  10. 10Burhan

    Masha Allah
    Mubaraq ho aur Allah tala aur samajh bujh atta karay
    Likhtay rahoo aur acha likhtay rahoo
    🙂
    Khush rahoo aur yeh bhi jaan loo ke bohat sari achi cheezain, loog, rishtay abhi bhi baqi hain 🙂

  11. 11وفا انجم برطانیہ

    آپ کو بلاگ کی سالگرہ بہت بہت مبارک ھو… ::) 😆
    کوشش کیا کریں کہ آپکی ہر تحرہر دوسری تحرہر سے اچھی ھو….

  12. 12حجاب

    بلاگ کی سالگرہ مبارک ۔۔۔

  13. 13وسیم بیگ

    سلام بڑے بھائی
    بلاگ کی پہلی سالگرہ مبارک ہو.اور الله کرے یہ سفر ایسے ہی چلتا رہے آمین

  14. 14fikrepakistan

    میری نیک تمنائیں آپ کے ساتھہ ہیں، حق اور سچ لکھتے رہئیے۔

  15. 15عمیر ملک

    بلاگ کی سالگرہ بہت مبارک ہو۔۔۔۔
    اللہ کرے زورِ قلم اور زیادہ۔

  16. 16وقاراعظم

    بہت مبارک ہو جناب، دعا ہے کہ بلاگ یونہی ترقی کرتا ہے۔ خدا آپ کو حق اور سچ لکھنے کی توفیق دے۔ آمین۔

  17. 17عامر شہزاد

    آپ کو بلاگ کی سالگرہ مبارک بہت بہت مبارک ہو۔ اپنے بلاگ کی تو یاد ہی نہیں!

    خیر، لکھتے رہیں اور خوش رہیں۔

  18. 18عمران اقبال

    سب دوستوں کے تبصروں اور دعاوں کا بہت بہت شکریہ۔۔۔ کوشش کروں گا کہ اچھا لکھوں اور یہ سلسلہ یونہی چلتا رہے۔۔۔
    والسلام۔۔۔

ٹریک بیکس

  1. 1. شعیب صفدر
  2. 2. سعید
  3. 3. مطلوب
  4. 4. سعد
  5. 5. محمد سلیم
  6. 6. یاسر خوامخواہ جاپانی
  7. 7. نورمحمد
  8. 8. ڈاکٹر جواد احمد خان
  9. 9. بلاامتیاز
  10. 10. Burhan
  11. 11. وفا انجم برطانیہ
  12. 12. حجاب
  13. 13. وسیم بیگ
  14. 14. fikrepakistan
  15. 15. عمیر ملک
  16. 16. وقاراعظم
  17. 17. عامر شہزاد
  18. 18. عمران اقبال
  19. 19. بلاگنگ کا ایک سال | Tea Break

تبصرہ کیجیے

 
error: خدا کا خوف کھاو بھائی، کیا کرنا ہے کاپی کر کے۔۔۔